Monday, August 22, 2011

matinong usapan ng magkaibigan 3

"Best!" si Kaye iyon. Agad tinanggal ni Julius ang earphones na nakasaksak sa tenga niya ng makita ito na paakyat sa hagdan ng bahay nila. "Julius!"

"Easy..." sabi niya rito. "Ano ba iyon?"

Naupo si Kaye sa tabi niya. "May date kami ni Weinn ngayon!"

"Tapos?"

"Hindi ko alam ang isusuot ko! Dapat ba talaga palda?"

"Malay!" sabi nito.

"Wala kang kwenta. Nasaan ba si ate Julie?"

"Nasa ospital, may duty." matino niyang sagot.

"E si Kuya Francis?"

"Umalis, hindi nagpaalam, ewan ko kung kelan darating." sabi niya. "Bakit ba? Kahit ano na kasi ang isuot mo ah. Hindi ka naman siguro lalaitin ng boyfriend mo kung magsa-saya ka. Ikakahiya ka nga lang siguro niya. Magpantalon ka na kasi! Ang daming arte."

"Ano ba ang isinusuot ni May pag kayo ang nagdedate?"

"Palda. Most of the time. Pero bakit kasi palda? Ok naman ang jeans ah!"

"Sige na nga... Pero best, paano pag halikan niya ako?"

"Pati ba naman iyan ipapaproblema mo sa akin?"

"E kasi... ayoko siyang maging first kiss."

"Umiiral na naman iyang pagkachoosy mo ah."

"Hindi naman... kaso kasi... ayaw ko talaga."

"Halika ngarud dito ta halikan na kita. Ako na ang magiging first kiss mo. Gusto mo ba iyon?" seryoso siya, iritado pero talagang seryoso.

"Eeehhh... seryosohan ah."

"Ah, bahala ka diyan."

At siya na mismo ang lumapit kay Julius at humalik sa lips ng binata. Naks! Itinulak siya ng binata as if siya ang mahinhin na babae sa eksena.

"Lang ya ka. Nakachansing ka na naman. Problema mo? Nakadrugs ka ba o ano? Bakit mo ginawa iyon???"

"Eh sabi mo pwede eh." napatawa si Kaye. "Sok lang iyan best, magkaibigan naman tayo. Walang malisya iyon!" Nginitian niya ito. "Thank you. Alis na ako, kita na lang tayo mamaya ha?"

"Adik! Ingat ka ha?"

Pero noong makaalis si Kaye, ngumiti lang din naman siya, at kinilig ano pa nga ba? pero weird pa rin iyong mga ganoong reaksyon. Wala nga bang malisya o meron talaga?




Dumating iyong panahon kung saan pipili na si Julius at ipapahayag na niya iyon kay May, ang girlfriend niya sa kasalukuyan. Hindi alam ni Kaye na ito na iyong araw na iyon. Nagkita sina Julius at May sa 8th side ng kiosk. Ilang oras na nakinig ang babae sa speech ng lalake. Hanggang sa may makakita na lang sa kanila na nagyayakapan, sabay halik si lalake sa noo ni babae. The usual interpretation of a kiss at the forehead is 'he's serious about you'. Then they parted ways.

Nakarating ang balitang ito kay Kaye, at napangiti naman daw siya. "Wise choice" sabi niya sa sarili. Hinarap niya ang kasintahan na siyang nagbalita sa kanya. "I'm breaking up with you!"

"Bakit?"

"MAy hahabulin lang ako."

"Ano?"

"Iyong pagmamahal ng bestfriend ko."



Tingin niyo? Mahahabol ba niya?
Pumunta siya sa bahay nina Julius matapos siyang makipagbreak kay Weinn. Si ate Julie nila ang nadatnan niya roon. Nakauniform pa rin ito mula sa ospital at may kausap sa telepono. The older girl sighed. At nagtaka naman daw siya.

"Kaye. Wala pa rin si Julius eh." sabi niya agad rito ng maibaba niya ang telepono.

"Nasaan po ba siya ate?"

"Nasa ospital." Kinabahan siya sa narinig. Naaksidente ba si Julius? "Naaksidente si May, hindi niya maiwan. Ayaw niyang iwanan actually. Gusto daw niya na nandoon lang siya pagkagising ni May. Ewan ko ba sa batang iyon! Halika na nga lang dito at kumain tayo."

Gumuho ang mundo ni Kaye sa narinig. Wala na silang pag-asa ni Julius, kahit kailan hindi magiging sila. Si May ang pinili niya, at wala na siyang magagawa kung kay May liligaya ang bestfriend niya. Hanggang bestfriend na lang talaga sila...

No comments:

Post a Comment